شكيت وماشكيت الا : عليه الواحد القيوم ..

[أبو سديم]

تباريحك على جمر الغضى ياقلب يالمهموم
ونبضاتك دموع مرسله وتهلها عيني

تعبت وتعبت عيوني معاك ولا اهتنت بالنوم
مواويل المواجع خلها مابينك وبيني

على مهلك بصدري لا تهزه وارض بالمقسوم
على جور العيون الي تنام ولا تراعيني

من اول يوم انا وياك انا وياك لاخر يوم
على الدرب الطويل الي جهلته يا موديني

نصحتك قلت لا تحلم ترى بعض الحلوم حلوم
نهيتك قلت ماتسلم كسرت الشوك بيديني

سألتك قلت ماتعلم بان النصر للمظلوم
سجنتك قلت تستسلم شكت منك شراييني

مدحتك وانت تتبسم بعيد من العتب واللوم
فهمتك انت ماتفهم رضيت انك تخليني

لمحتك وانت تترنم تغني للهوى المزعوم
سمعتك وانت تتكلم هلا يا باقي سنيني

هلا بالطيب وانفاس الغرام وريحة اليشموم
هلا باللي على بعد المسافه مانسيتيني

تأثرت بكلامك خفت لا يخذل عزيز القوم
واعيد الكره الي قد مضت يومك تناديني

تذكرت الشوارع والظلام وطيرها المشأوم
على ذيك الغصون اليابسه والهم كاسيني

اخذت شوي واصبحنا كلانا والامل معدوم
صبرنا غصب والدنيا دروس وذا يكفيني

رضيت وما معي حيله هو الحاكم وانا المحكوم
تشيل الحمل ياقلبي ولكنك تعنيني

احبك يابحر لكن اخاف وما اطيق العوم
تكفيني سواليفك على الشاطئ وتغنيني

كذا يرضيك ياقلبي اطيح وماقدرت اقوم
وانا ماني بحي الله بشر يومك تبكيني

بكى حتى القلم من رحمتي مافارقه البهوم
نزف حرفي على صدر الورق عله يسليني

سمعت علوم ياقلبي ومنك ماسمعت علوم
مغير دموعك الي سقتها وتهلها عيني

شكيت وماشكيت الا عليه الواحد القيوم
وغير الله ضعيف ولو عطاني مابيشفيني

الهي طالبك تغفر لعبد ماهو بمعصوم
الهي طهر القلب الضعيف ولاتخليني



ارق تحياتي ..

[الباسم]

الهي طالبك تغفر لعبد ماهو بمعصوم
الهي طهر القلب الضعيف ولاتخليني
+++++++++++++++
شيــــــــــــــــــ الخادم ـــــــــــــــــــــــخ
قصيده رووووووووعه بصراحه سلم ذوقك والله

[أبو سديم]

تسلم الايادى يالباسم لمرورك الدائم لنا

[أبو حميد]

... شيخنا الغالي ....

.... بارك الله فيك وفي الأبيات الرائعة .... سلم النقل الرائع .... ألف تحية وتقدير .........

[أبو سديم]

ماقصرت على المرور يابوحميد

[ღأميـ الذوق ـرღ]

احبك يابحر لكن اخاف وما اطيق العوم
تكفيني سواليفك على الشاطئ وتغنيني


،


والبعض يستاهل العووم حتى تعرف انه ما يستحق اللوم ! !


،


تحية شيخنا من كل الشواطي

[قمرهم كلهم]

كذا يرضيك ياقلبي اطيح وماقدرت اقوم
وانا ماني بحي الله بشر يومك تبكيني


تِسّلّمْ يَآ شِيخنَآ
عـ القَّصيدَّهْ

[شموخ أنثى]

صح لسان من قالها وسلم ذوقك شيخ ال خادم

قصيده رائعه واكثر ..

سلمت ..

[خفايا الروح]

صح لسان الشاعر ..


أبيات جميلة ..

يسلمو مشرفنا الغالي ..

الله يعطيك العافية ..

تقبل مروي ..

[كّـيـَ ـآنْ أُنـ ثـىْ ..]~]

بكى حتى القلم من رحمتي مافارقه البهوم
نزف حرفي على صدر الورق عله يسليني

شكيت وماشكيت الا عليه الواحد القيوم
وغير الله ضعيف ولو عطاني مابيشفيني


من أروع ما قرأت من القصائد

صح لسا قايلها وناقلها

وسلمت والله يا شيخنا


كّـيـَ ـآنْ أُنـ ثـىْ ..]~

[أبو سديم]

نورت صفحتى ياأميرنااااااا

[أبو سديم]

ماقصرتى ياقمرهم على المرور

[أبو سديم]

مشكوووره ياشموخ على المرور

[أبو سديم]

لاهنتى ياخفايا على الطله الحلوووه لنا

[أبو سديم]

نورتى ياكيان صفحتى

[الشوق غلاب]

يعطيك العافيه
يابوسديم

[أبو سديم]

مشكوره يالشوق على الطله