خيـــانـــت مــلــكــ ؟؟؟؟

[نجم ال جميره]

(أبسألك وين الولاء ) ..!

قصيـده اعجبتـني ,,

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !

:

http://el9ane3.jeeran.com/photos/482691_l.jpg


http://img247.imageshack.us/img247/976/0004bf.gif


:


قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !

هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !

ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !

ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !

ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !


:


منقول

[ღأميـ الذوق ـرღ]

نجم ال جميرة

نقل موفق ،، وبصراحة شد انتباهي اسلوب العتاب وبكل ادب وتنميق يشد القاريء للمواصلة،،

شي جميل واستلذاذ اجمل في قراءة احساس صاارخ من رجل : صامت سعيد/واثق حكيم ،،

)()(واثق الخظوة يمشي ملكا" )()()()(({{{{{{{ {{{ اسطر الشاعر،،

كل التقدير وانا اخوك على ذوق النقل ،،

واسمحلي بتسجيل اعجابي المتواضع بكل بيت ،،،

الله لايضرك نجم دوووم على الانتبااااااااااه ورعة الاختيااار،،

تقديري

[¬°•| لين الورد |•°¬]

ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !

نجم بصرااحه مدري وش ارد عليك..
هذا البيت قمه في الروعه والابيات البااقيه اروع واروع بس هذا شدني اكثر بصراحه وانا اقرا احس ودي اكمل ما ودي تنتهي هالابيات..

دمت ايها النجم الساطع في هذا التقدم دوما

[نجم ال جميره]

امير الذووق و دلوعة ابوها

يسلملي مرووووركم الروعه جدآ

ومنورين الصفحه

والله يرعاكم

.

.