أبو سديم
09-07-2011, 05:45 AM
ــ ــــــــــــ لولا الحيا ــــــــــــــ
جريّت انا ويلاه من غربتي آه
ولولا الحيا والله لا اشق جيبي
والله لولا قولة الناس وش جاه
ومن قبل ذا خوف العليم الرقيبي
وعهدٍ لواني به على كيف مشهاه
لاصيح باعلى الصوت هاتو طبيبي
هاتو ضما قلبي و طبّه و بلواه
لولاه ماني ياعرب .. مستصيبي
ولولاه ماذقت البلا من سواياه
وابلا بلاي انه بعيدٍ .. قريبي
ياكيف ماوده واحبه وأهواه
ولااحدٍ سواه من الخلايق حبيبي
في كل شيٍ .. .اذكره واتمناه
في طلعة القمرا..وشمس المغيبي
واذكره وآحنّ لغناويه وحكاه
لاواعذابي صار شوفه صعيبي
خلي شّذَبْ قلبي ببعده وهذّاه
هذّاه.. وخلاني جريح عطيبي
وآجذّ.آهاتي من الروح جذّاه
جذّت عروق السدر بيد القطيبي
واذكره لاهبّ الهوى من نحاياه
واذكره لامن مال عودٍ رطيبي
ولاسال سد العلّبْ ثم اعتلا ماه
اذكر وليفٍ..لي..لطيفٍ..لبيبي
فلبــيه ياحــبٍ قديمٍ هويــنــــاه
ولبيــــــه ياغروٍ..صغيرٍ..أديبــــي
مهما يطول الوقت واقف وبتناه
وما ظن فيه إن الهقاوي تخيبي
جرحٍ نــحتــه الحب ياويش يمحاه
شيٍ يطيب وشي لا مـــا يطيبي
ولاقلت اناو يلاه من غربتي آه
خلي وطن..والحب وسطه غريبي
جريّت انا ويلاه من غربتي آه
ولولا الحيا والله لا اشق جيبي
والله لولا قولة الناس وش جاه
ومن قبل ذا خوف العليم الرقيبي
وعهدٍ لواني به على كيف مشهاه
لاصيح باعلى الصوت هاتو طبيبي
هاتو ضما قلبي و طبّه و بلواه
لولاه ماني ياعرب .. مستصيبي
ولولاه ماذقت البلا من سواياه
وابلا بلاي انه بعيدٍ .. قريبي
ياكيف ماوده واحبه وأهواه
ولااحدٍ سواه من الخلايق حبيبي
في كل شيٍ .. .اذكره واتمناه
في طلعة القمرا..وشمس المغيبي
واذكره وآحنّ لغناويه وحكاه
لاواعذابي صار شوفه صعيبي
خلي شّذَبْ قلبي ببعده وهذّاه
هذّاه.. وخلاني جريح عطيبي
وآجذّ.آهاتي من الروح جذّاه
جذّت عروق السدر بيد القطيبي
واذكره لاهبّ الهوى من نحاياه
واذكره لامن مال عودٍ رطيبي
ولاسال سد العلّبْ ثم اعتلا ماه
اذكر وليفٍ..لي..لطيفٍ..لبيبي
فلبــيه ياحــبٍ قديمٍ هويــنــــاه
ولبيــــــه ياغروٍ..صغيرٍ..أديبــــي
مهما يطول الوقت واقف وبتناه
وما ظن فيه إن الهقاوي تخيبي
جرحٍ نــحتــه الحب ياويش يمحاه
شيٍ يطيب وشي لا مـــا يطيبي
ولاقلت اناو يلاه من غربتي آه
خلي وطن..والحب وسطه غريبي