رسالة معلمة مغلوبة على امرها---أعانها الله

[حمامة السلام]

كل العيوووووووون على راتبي ... والله حاله


في المدرسه ...

يامعلمات كل وحده تقط على عشرين ريال علشان نصبغ الغرفه ونسرمكها ..

يامعلمات كل وحده تقط على خمسين ريال لأبله منيره علشان نشتري لها هديه بمناسبة زواجها ..

يامعلمات كل وحده تقط على ثلاثين ريال علشان نشتري أغراض القهوه والشاي والفطور ...

يامعلمات كل وحده تقط على ثلاث ميه ريال علشان ندفع راتب أبلة جواهر اللي ماسكه الحاسب الالي واللي ماتدفع ماراح تدخل درجات طالباتها بالكمبيوتر ..

يامعلمات كل وحده تقط على خمسين ريال علشان نعطي ام محمد ( الفراشه ) اللي جايبينها على حسابنا راتبها ..

يامعلمات لاتنسون فلوس الجمعيه الشهر هذا على أبله حصه ..


في البيت ..
الزوج .. تكفين ياعمري تسددين الايجار هالمره والله راتبي خلص .. معليش ياحياتي أول وأخر مره
الشغاله .. ماما انا يبغى يرسل فلوس مال انا زوج انا .. انا يبغى يرسل ثلاثه شهر .. علشان انتي مافيه يعطي فلوس انا ثلاثه شهر ..
الولد .. ماما ابي تشترين لي بطاقه شحن خلص رصيدي وابي فلوس للبنزين وخمسين ريال أشتري فيها ملابس رياضه... وأبوي يقول مامعي شي خل أمك تعطيك هالمره ..
البنت .. ماما ابي تشترين لي اغراض للمكتبه.. وابي أشتري لي جزمه جزمتي انقطعت ..وابي أشتري هديه لصديقتي بمناسبة نجاحها .. أبوي يقول مامعي شي خل أمك تعطيك هالمره بس ..


بيت الأهل ..
المعلمه للأم .. يمه هذي ألف ريال اللي معودتك عليها اعطيك اياها شهريا حق وواجب يايمه ..
الأب .. أخوك الصغير يابنتي يبي يشتري سياره وابيك تساعدينه فيها ..وأخوك الكبير عطيه عانيه ( مساعده ) لزواجه ..


في المناسبات الاجتماعيه ..
المعلمه لازم تعطي هديه على مستوى وفخمه والكل يحاسبها عليها بعكس غير الموظفه ..
اذا الوحده نفاس وبتحط على ولدها فلوس لازم تكون ضعف المبلغ اللي تحطه غير الموظفه ..
اللبس والتكشخ ملزومه فيه لانها موظفه ولا قالوا عنها بخيله وتجمع راتبها ..


وأخيررررراً

مايجي نص الشهر الا والراتب بح يعني خلاص أنتهى ..

كتبته
معلمه مغلوب على امرها ..

[في الثمنيات]

والله المدرسات هم من أسباب رفع الأسعار في بعض المنتجات
الوحده تدخل الماركات وتضرب من ذا الدراهم
والله يعين على الغلاء الموجود حالياً

وبعضهم الله يعينها .. تشيل البيت فوق راسها ومتاعبه ومصروفاته :(

[أبوجهاد]

أنا عندي حل لمشكلة هذه المعلمه المغلوب على أمرها
والحل هو ترك الوظيفه ههههههههههههههههههههه
http://up.arabsgate.com/u/3250/2000/15385.gif

[حمامة السلام]

هذا هو الحل المعقول وخل الرجال يصرف الله لا يهينه



وجزاكم الله خير

[حسكاوي مدلل]

أميره الجنوب أنا قرأت مواضيعك ....
يدل انك فيك خير الله يجزاك بالخير

بس ما يمنع لو كان منقول تكتبين منقول ( لحفظ الحقوق ( للأمانه ))

[حمامة السلام]

اخي الحسكاوي
انا كل مواضيعي منقووووولة للفائدة العامة

جزاك الله خير على حرصك

[الفوتومان]

من جد والله

تقعد في بيتها أصرف لها

:) :) :)